 |
| حسام مصطفي |
رسمة علي الحيط وبتتغير معالمها
سعات تبصلها
تلاقيها مبسوطه وفتحالك دراعتها
وسعات تبصلها
تلاقيها حزينه علي حالك وعلي حالها
رسمة غريبه
كانها عايشه معاك
وبتظهر معالمها
حسب احساسها اللي جواك
رسمة ليها معايا موقفين
الاول
يوم كنت حزين فيه
قلت اتامل الرسمة
لقيت الحزن مليها
حسيت من كتر حزنها
ان بكاها دبح دمعتها فيها
استغربت
رسمة دي ولا انسان
بيمر بحالتي اللي بمر بيها
والموقف التاني
يوم فيه الفرحه ملياني
بصيت علي الرسمة
لقيت الفرح في عنيها
حسيت من كتر نشوتها
ان فرحتها بتزئطط
من كتر ابتسامتها
وفي ثواني اتمسح كل الدمع
اللي مدبوح فيها
واتحول لضحكه
بتبين فرحتي عليها
وقف القلم عن تاثير معالمها
اللي بتتغير حسب حالتي اللي جواها
مبطلتش تفكير ومفهمتش
فقررت انساها
رسمة عجيبه
جننت كل اللي حاول يفسرها
او يحاول يعرف اسرارها
رسمة علي الحيط وبتتغير معالمها
1 التعليقات:
ياجامديامتألق
إرسال تعليق